میں عظمتوں کا سویرا ہوں، نام قاسم ہے

main azmaton ka sawera hun, naam qasim hai

Language: Urdu

میں عظمتوں کا سویرا ہوں، نام قاسم ہے متاعِ فاطمہؑ زہرا ہوں، نام قاسم ہے شجاعتوں کی تمنا ہوں، نام قاسم ہے قسیمِ خُلد کا پوتا ہوں، نام قاسم ہے کتابِ جنگ میں ترمیم کرنے آیا ہوں تمہارے جسموں کو تقسیم کرنے آیا ہوں حیات چھوڑ کے شمشان لو تو بہتر ہے حقیقتوں کو ابھی جان لو تو بہتر ہے جو کہہ رہا ہوں اُسے مان لو تو بہتر ہے میں کون ہوں مجھے پہچان لو تو بہتر ہے شجاعتوں کے صحیفوں کا میں نتیجہ ہوں یہی بہت ہے کہ عباسؑ کا بھتیجا ہوں گالوں کو تیغ کا پانی پلا کے دم لوں گا علیؑ کی یاد جہاں کو دِلا کے دم لوں گا چراغِ فتحِ حسینیؑ جلا کے دم لوں گا ستم گروں کو جہاں سے مٹا کے دم لوں گا بہادری کے لیے نقشۂ کمال ہوں میں علیؑ کا نورِ نظر ہوں، حسنؑ کا لعل ہوں میں وہ داغ دار نسب آئینہ دکھاؤ اُسے کہ ہارنے کی خبر تم ذرا سناؤ اُسے کہاں ہے شام کا مرحب، بلا کے لاؤ اُسے نہ آ رہا ہو تو مقصد مرا بتاؤ اُسے خدا کے شیر کے جوہر دکھانے آیا ہوں میں آج پھر درِ خیبر اٹھانے آیا ہوں یہ وقت عرصۂ محشر سے جوڑ سکتا ہوں حیات و موت کے دھارے کو موڑ سکتا ہوں ہر ایک ظلم کے خیبر کو توڑ سکتا ہوں بدن سے روح کا پانی نچوڑ سکتا ہوں کتابِ فتح سے ونّاس لکھ کے آیا ہوں میں اپنے شانوں پہ عباسؑ لکھ کے آیا ہوں جمع کے دشمنِ دیں پہ نظر بڑھے قاسم یقین سے پائے فتح و ظفر بڑھے قاسم دکھانے تیغِ علیؑ کا ہنر بڑھے قاسم جدھر تھا عرَضکِ شامی اُدھر بڑھے قاسم کچھ اس طرح سے لعین کو سپردِ نار کیا کہ ایک وار میں دو اور دو کو چار کیا

Roman Urdu

Main azmaton ka sawera hoon, naam Qasim hai Mataa-e Fatima Zahra hoon, naam Qasim hai Shujaaton ki tamanna hoon, naam Qasim hai Qaseem-e Khuld ka pota hoon, naam Qasim hai Kitab-e jang mein tarmeem karne aaya hoon Tumhare jismon ko taqseem karne aaya hoon Hayat chhor ke shamshan lo to behtar hai Haqeeqaton ko abhi jaan lo to behtar hai Jo keh raha hoon use maan lo to behtar hai Main kaun hoon mujhe pehchan lo to behtar hai Shujaaton ke saheefon ka main nateeja hoon Yahi bohat hai ke Abbas ka bhateeja hoon Galon ko tegh ka pani pila ke dam loon ga Ali ki yaad jahan ko dila ke dam loon ga Charagh-e fatah-e Husaini jala ke dam loon ga Sitamgaron ko jahan se mita ke dam loon ga Bahaduri ke liye naqsha-e kamal hoon main Ali ka noor-e nazar hoon, Hasan ka laal hoon main Woh daagh-dar nasab aaina dikhao use Ke haarne ki khabar tum zara sunao use Kahan hai Shaam ka Marhab, bula ke lao use Na aa raha ho to maqsad mera batao use Khuda ke sher ke johar dikhane aaya hoon Main aaj phir dar-e Khyber uthane aaya hoon Yeh waqt arsa-e mahshar se jor sakta hoon Hayat-o-maut ke dhare ko mor sakta hoon Har ek zulm ke Khyber ko tor sakta hoon Badan se rooh ka pani nichor sakta hoon Kitab-e fatah se wannaas likh ke aaya hoon Main apne shanon pe Abbas likh ke aaya hoon Jama ke dushman-e deen pe nazar barhe Qasim Yaqeen se pa-e fatah-o-zafar barhe Qasim Dikhane tegh-e Ali ka hunar barhe Qasim Jidhar tha Azraq-e Shami udhar barhe Qasim Kuch is tarah se laeen ko supurd-e naar kiya Ke ek waar mein do aur do ko chaar kiya