یا راضیہ یا مرضیہ یا طاہرہ یا سیدہ

Yaa Raaziya Yaa Marziya Yaa Tahera Yaa Sayyada Ye Fakhr-e-Aamina, Sarmaya-e-Rasool Bhi Hai 1 Har Ek Sawaal Ka Behtar Jawaab Zinda Hai Sadaaqaton Ka Mukammal Nisaab Zinda Hai Bahaar-e-Baagh-e-Risaalat Ma-aab Zinda Hai Khuda Ke Bando, Khuda Ki Kitaab Zinda Hai Bayaan Azmat-e-Khatoon-e-Kaaenaat Suno Mubahele Ki Zubaan Se Khuda Ki Baat Suno 2 Kaha Jo Bizato Minni To Ho Gaya Maaloom Dil-e-Rasool Ki Surat Hai Fatema Maasoom Kamaal-e-Ilm Se Aisa Bana Diya Maqsoom Naseeb Ho Gaye Gyarah Imaamaton Ke Nuzool Waqaar-e-Bint-e-Nabi Mein Na Kuch Kami Aaye Khuda Ke Ghar Mein Isi Waaste Ali Aaye 3 Ali Ne Shukr Se Mazdooriyon Mein Din Kaate Nabi Ki Beti Ne Chakki Mein Khushk Jao Peese Ali Ne Baaghon Mein Paani Diya, Jihaad Kiye Nabi Ki Beti Ne Faaqon Mein Bhar Diye Sajde Jihaad-e-Nafs Ka Maidaan Ali Ke Haath Raha Kamaal-e-Sabr-o-Riza Fatema Ke Saath Raha 4 Wo Ek Chhota Sa Ghar Poori Kaaenaat Ka Dil Wo Ek Hujra Imaamat Ke Noor Ki Manzil Wo Baam-o-Dar Jinhe Sajda Kare Mah-e-Kaamil Wo Ek Nakhl Ke Saaye Mein Khuld Ki Mehfil Adab Ke Saath Bulandi Ka Har Nishaan Jhuke Jahan Kaneez Ke Rutbe Pe Aasmaan Jhuke 5 Ba-Naam-e-Fatema Ummat Ki Betiyan Jaagein Nigaah-e-Aql Se Raftaar-e-Zindagi Dekhein Baraaye Ghairat-e-Dil Apne Aap Se Poochhein Kise Milegi Jagah Fatema Ki Mehfil Mein Khuda Kare Wo Tamaasha-e-Rozgaar Na Ho Rasool-e-Paak Ki Beti Se Sharmsaar Na Ho 6 Dhuaan Tanoor Se Uttha To Saaelon Ke Liye Khameer Ho Gaya Aata Musaafiron Ke Liye Sukoon-e-Qalb Ka Saamaan Bekason Ke Liye Ghiza-e-Sabr-o-Riza Apne Kamsinon Ke Liye Isi Maqaam Pe Khair-ul-Amal Ke Jalwe Hain Yahi Wo Ghar Hai Jahan Inqilaab Palte Hain 7 Ali Ke Chehra-e-Aqdas Pe Ambiya Ka Jalaal Wujood-e-Fatema Zahra Pe Mustafa Ka Jamaal Ali Ke Dam Se Jahan Mein Tajalliyon Ke Nihaal Mataa-e-Fatema Zahra Hasan Husain Se Laal Ali Ne Masjid-e-Kufa Mein Zakhm Khaaya Hai Zamaane Walo Ne Zahra Ko Bhi Rulaaya Hai