Salam
خیمے میں آکے شاہ نے جب الوداع کہا
Khaime Mein Aake Shah Ne Jab Alwida Kaha
View
Urdu
خیمے میں آکے شاہ نے جب الوداع کہا
کہرام مچ گیا
1
تھا جس کا انتظار وہ ساعت قریب ہے
دن ڈھل رہا ہے شامِ مصیبت قریب ہے
کچھ دیر کی ہے بات قیامت قریب ہے
زینب غریب بھائی کی رخصت قریب ہے
یہ کہہ کے مانگا ماں کا جو کُرتہ سلا ہوا
2
کچھ دور ہٹ کے خیمے میں بولے شہِ زمن
زحمت نہ ہو تو بازو بڑھاؤ ذرا بہن
میں بوسے لوں وہاں کے بندھے گی جہاں رسن
بازو بڑھا کے روتی تھی ہمشیرِ خستہ تن
بھائی بہن کے بازوؤں کو چومنے لگا
3
یہ سن کے بنتِ فاطمہ زہرا تڑپ گئی
بولی گلا بڑھاؤ بس اب جلد یا اخی
اماں کی بات آج مجھے یاد آگئی
میں بوسے لوں وہاں کے چلے گی جہاں چھری
زینب نے بڑھ کے چوما برادر کا جب گلا
4
بیٹی سے پھر یہ کہنے لگا فاطمہ کا لال
رہنا پھپی کے پاس رکھیں گی تیرا خیال
غربت ہے تم پھپی سے نہ کرنا کوئی سوال
ورنہ تیرے پدر کو بہت ہوگا ملال
پھر سر پہ ہاتھ رکھ کے جو دینے لگے دُعا
5
بیٹی کو جب سپردِ بہن کر چکے امام
رو کر بہن سے کہنے لگے آسماں مقام
جانا وطن جو قید سے چھٹ کر اے تِشنہ کام
کہنا لحد پہ ماں کی مرا آخری سلام
آیا جو لب پہ فاطمہ زہرا کا تذکرہ
6
عابد سے پھر یہ کہنے لگے شاہِ کربلا
بیواؤں کا اور یتیموں کا اب تم ہو آسرا
جو امتحان میرا تھا سب میں نے دے دیا
آگے ترا جہاد ہے بیمارِ کربلا
بیمار بیٹا باپ سے جس دم جدا ہوا
7
خیمے سے باہر آئے جو سلطانِ کربلا
سر کو جھکائے روتا تھا خود اسپِ باوفا
اب کس طرح سوار ہو زہرا کا لاڈلا
تنہائی کے سوا کوئی یاور نہیں بچا
جب سوئے نہر دیکھ کے غازی کو دی صدا
8
بھائی کو تنہا دیکھ کے زینب تڑپ گئی
روتی ہوئی حسین کے نزدیک آگئی
اور پھر رکاب تھام کے بولی اے شاہِ دیں
لو میں سوار کرتی ہوں عباس گر نہیں
واعظ ہوا سوار جو زہرا کا لاڈلا
Roman Urdu
Khaime Mein Aake Shah Ne Jab Alwida Kaha
Kohraam Mach Gaya
1
Tha Jiska Intezar Wo Saa’at Qareeb Hai
Din Dhal Raha Hai Shaam-e-Museebat Qareeb Hai
Kuch Der Ki Hai Baat Qayamat Qareeb Hai
Zainab Ghareeb Bhai Ki Rukhsat Qareeb Hai
Ye Keh Ke Maanga Maan Ka Jo Kurta Sila Hua
2
Kuch Door Hat Ke Khaime Mein Bole Sheh-e-Zaman
Zehmat Na Ho To Baazu Barhao Zara Behan
Main Bose Loon Wahan Ke Bandhegi Jahan Rasan
Baazu Barha Ke Roti Thi Hamsheer-e-Khasta Tan
Bhai Behan Ke Baazuon Ko Choomne Laga
3
Ye Sun Ke Bint-e-Fatima Zehra Tarap Gayi
Boli Gala Barhao Bas Ab Jald Ya Akhi
Amma Ki Baat Aaj Mujhe Yaad Aagayi
Main Bose Loon Wahan Ke Chalegi Jahan Chhuri
Zainab Ne Barh Ke Chooma Baradar Ka Jab Gala
4
Beti Se Phir Ye Kehne Laga Fatima Ka Laal
Rehna Phuphi Ke Paas Rakhengi Tera Khayal
Ghurbat Hai Tum Phuphi Se Na Karna Koi Sawal
Warna Tere Pidar Ko Bahot Hoga Malaal
Phir Sar Pe Haath Rakh Ke Jo Dene Lage Dua
5
Beti Ko Jab Supurd-e-Behan Kar Chuke Imam
Ro Kar Behan Se Kehne Lage Aasmaan Maqam
Jana Watan Jo Qaid Se Chhut Kar Ay Tishna Kaam
Kehna Lahad Pe Maan Ki Mera Aakhri Salam
Aaya Jo Lab Pe Fatima Zehra Ka Tazkira
6
Abid Se Phir Ye Kehne Lage Shah-e-Karbala
Bewaaon Ka Aur Yateemon Ka Ab Tum Ho Aasra
Jo Imtehan Mera Tha Sab Maine De Diya
Aage Tera Jihad Hai Beemar-e-Karbala
Beemar Beta Baap Se Jis Dam Juda Hua
7
Khaime Se Bahar Aaye Jo Sultan-e-Karbala
Sar Ko Jhukaye Rota Tha Khud Asp-e-Bawafa
Ab Kis Tarha Sawar Ho Zehra Ka Laadla
Tanhai Ke Siwa Koi Yawar Nahin Bacha
Jab Su-e-Nehr Dekh Ke Ghazi Ko Di Sada
8
Bhai Ko Tanha Dekh Ke Zainab Tarap Gayi
Roti Hui Hussain Ke Nazdeek Aagayi
Aur Phir Raqab Thaam Ke Boli Ay Shah-e-Deen
Lo Main Sawar Karti Hoon Abbas Gar Nahin
Waiz Hua Sawar Jo Zehra Ka Laadla