بے خطا مارا گیا سبطِ رسولؐ دوسرا، وا حسنؑ سبز قبا

Bekhata Mara Gaya Sibt-e-Rasool-e-Dosara, Wa Hasan-e-Sabz Qaba

Language: Urdu

بے خطا مارا گیا سبطِ رسولؐ دوسرا، وا حسنؑ سبز قبا زہر سے ٹکڑے جگر، خوں سے کفن لال ہوا، وا حسنؑ سبز قبا 1 خوں اگلتے ہوئے بھائی کو بہن نے دیکھا، اور تڑپ کر یہ کہا تیری غربت پہ اے بھائی، تیری زینب ہو فدا، وا حسنؑ سبز قبا 2 ماں کے دکھ سے ابھی آزاد کہاں تھی زینب، ہو گیا کیسا غضب باپ زندہ نہ رہا، بھائی سوئے خلد چلا، وا حسنؑ سبز قبا 3 کر دیے زہرِ ہلاہل نے جگر کے ٹکڑے، اور قاسم کے لیے کم سنی میں ہے یہ غم شامِ غریباں جیسا، وا حسنؑ سبز قبا 4 گھر سے اک بار جنازہ جو نکل جاتا ہے، کب وہ پھر آتا ہے یہ وہ تابوت ہے جو لوٹ کے پھر گھر کو چلا، وا حسنؑ سبز قبا 5 شہہ نے اس وقت جو غازی کو نہ روکا ہوتا، حشر ہو جاتا بپا تیر آتے نہ جنازے پہ تمہارے مولا، وا حسنؑ سبز قبا 6 شہہ کو ریحان برادر کا جگر یاد آیا، جب سرِ کرب و بلا ٹکڑے قاسم کے اٹھاتے ہوئے مولا نے کہا، وا حسنؑ سبز قبا

Roman Urdu

Bay Khata Mara Gaya Sibt-e-Rasool Dusra, Wa Hasan-e-Sabz Qaba Zehr Se Tukray Jigar, Khoon Se Kafan Laal Hua, Wa Hasan-e-Sabz Qaba 1 Khoon Ugalte Huay Bhai Ko Behan Ne Dekha, Aur Tarap Kar Yeh Kaha Teri Ghurbat Pe Ay Bhai, Teri Zainab Ho Fida, Wa Hasan-e-Sabz Qaba 2 Maan Ke Dukh Se Abhi Azad Kahan Thi Zainab, Ho Gaya Kaisa Ghazab Baap Zinda Na Raha, Bhai Su-e-Khuld Chala, Wa Hasan-e-Sabz Qaba 3 Kar Diye Zehr-e-Halahal Ne Jigar Ke Tukray, Aur Qasim Ke Liye Kam Sini Mein Hai Yeh Gham Shaam-e-Ghareeban Jaisa, Wa Hasan-e-Sabz Qaba 4 Ghar Se Ik Baar Janaza Jo Nikal Jata Hai, Kab Wo Phir Aata Hai Yeh Woh Taboot Hai Jo Laut Ke Phir Ghar Ko Chala, Wa Hasan-e-Sabz Qaba 5 Sheh Ne Us Waqt Jo Ghazi Ko Na Roka Hota, Hashr Ho Jata Bapa Teer Aate Na Janazay Pe Tumhare Moula, Wa Hasan-e-Sabz Qaba 6 Sheh Ko Rehan Baradar Ka Jigar Yaad Aaya, Jab Sar-e-Karb-o-Bala Tukray Qasim Ke Uthate Huay Moula Ne Kaha, Wa Hasan-e-Sabz Qaba