Manqabat

گر ہو مری حیات مرے اختیار میں

Gar Ho Meri Hayaat Mere Ikhteyar Mein

Language: Urdu
Kalam Type: Manqabat

View

Text sizeLine spacing

Urdu

العجل العجل، یا امامِ زمانہؑ، العجل گر ہو مری حیات مرے اختیار میں، صدیاں گزار دوں گا ترے انتظار میں مولا اب آپ پردۂ غیبت اٹھائیے، دو دن تو زندگی کے گزاروں بہار میں 1 اس وقت گرچہ عدل سے خالی زمین ہے مظلوم کے مکان میں ظالم مکین ہے دنیا ستم شعار ہے، مغلوب دین ہے مولا ضرور آئیں گے، مجھ کو یقین ہے آئے گی کچھ کمی نہ مرے اعتبار میں صدیاں گزار دوں گا ترے انتظار میں 2 سب لوگ خواہشات کے اب ہو گئے غلام ابلیسیت کا دور ہے، بے پردگی ہے عام پینے لگے لہو ہیں، تو کھانے لگے حرام کہتا ہے دل کہ بس ابھی آ جائیے امام گر دیر ہے مشیتِ پروردگار میں صدیاں گزار دوں گا ترے انتظار میں 3 مشکل کے وقت ہم نے پکارا ہے یا حسینؑ غیبت کے امتحاں میں سہارا ہے یا حسینؑ قرآنِ اہلِ بیت کا پارہ ہے یا حسینؑ حق نے ہمارے دل پہ اتارا ہے یا حسینؑ رہ کر دعائے بنتِ نبی کے حصار میں صدیاں گزار دوں گا ترے انتظار میں 4 اس دورِ پُرخطر میں ہیں دشوار منزلیں مولا اس امتحان میں دل کو سکون دے روزہ، نماز، حق کے مناسک ادا کریں ہم شام، کربلا کی زیارت کو جا سکیں آ جائے گا قرار دلِ بے قرار میں صدیاں گزار دوں گا ترے انتظار میں 5 خودکش ہیں بم دھماکے، حدِ ظلم و جور ہے کچھ سامنے ہے اور پسِ منظر کچھ اور ہے ابھی یزیدیت کے مظالم کا طور ہے گرچہ یہ مومنین پہ مشکل کا دور ہے دنیا کے درد و غم ہیں بھلا کس شمار میں صدیاں گزار دوں گا ترے انتظار میں 6 اہلِ عزا کو جرأت و تدبیر چاہیے دیکھا ہے خواب، خواب کی تعبیر چاہیے تسکینِ قلبِ مادرِ شبیر چاہیے اب جنت البقیع کی تعمیر چاہیے آ جائے گی بہار اس اجڑے دیار میں صدیاں گزار دوں گا ترے انتظار میں 7 الفاظ سے دلوں پہ حکومت ملی مجھے مظلومیِ حسینؑ سے طاقت ملی مجھے منبر ملا حسینؑ کا، عزت ملی مجھے بدلے میں ایک اشک کے جنت ملی مجھے گھاٹا کبھی ہوا نہیں اس کاروبار میں صدیاں گزار دوں گا ترے انتظار میں 8 در پر تمہارے ہوتے ہیں ہر روز معجزے کتنے امیر ہو گئے اس در کی بھیک سے سب اپنے اپنے حصے کی خیرات لے گئے ذکرِ امامِ عصر میں حصہ قمر ملے میں مطمئن ہوں، میں بھی کھڑا ہوں قطار میں صدیاں گزار دوں گا ترے انتظار میں

Roman Urdu

Al-Ajal Al-Ajal, Ya Imam-e-Zamana, Al-Ajal Gar Ho Meri Hayaat Mere Ikhteyar Mein, Sadiyan Guzar Dunga Tere Intezar Mein Moula Ab Aap Parda-e-Ghaibat Uthaiye, Do Din To Zindagi Ke Guzarun Bahar Mein 1 Is Waqt Garche Adl Se Khali Zameen Hai Mazloom Ke Makaan Mein Zalim Makeen Hai Duniya Sitam-Shaar Hai, Maghloob Deen Hai Moula Zaroor Aaenge, Mujhko Yaqeen Hai Aaegi Kuch Kami Na Mere Aitbaar Mein Sadiyan Guzar Dunga Tere Intezar Mein 2 Sab Log Khwahishat Ke Ab Ho Gaye Ghulam Iblisiyat Ka Daur Hai, Be-Pardagi Hai Aam Peene Lage Lahoo Hain, To Khane Lage Haram Kehta Hai Dil Ke Bas Abhi Aajaiye Imam Gar Der Hai Mashiyat-e-Parwardigaar Mein Sadiyan Guzar Dunga Tere Intezar Mein 3 Mushkil Ke Waqt Humne Pukara Hai Ya Husain Ghaibat Ke Imtehan Mein Sahara Hai Ya Husain Quran-e-Ahl-e-Bait Ka Paara Hai Ya Husain Haq Ne Hamare Dil Pe Utara Hai Ya Husain Reh Kar Dua-e-Bint-e-Nabi Ke Hisaar Mein Sadiyan Guzar Dunga Tere Intezar Mein 4 Is Daur-e-Pur-Khatar Mein Hain Dushwar Manzilein Moula Is Imtehan Mein Dil Ko Sukoon De Roza, Namaz, Haq Ke Manasik Ada Karein Hum Sham, Karbala Ki Ziyarat Ko Ja Sakein Aa Jaega Qaraar Dil-e-Be-Qaraar Mein Sadiyan Guzar Dunga Tere Intezar Mein 5 Khud-Kash Hain Bam Dhamake, Hadd-e-Zulm-o-Jaur Hai Kuch Saamne Hai Aur Pas-e-Manzar Kuch Aur Hai Abhi Yazidiyat Ke Mazalim Ka Taur Hai Garche Ye Momineen Pe Mushkil Ka Daur Hai Duniya Ke Dard-o-Gham Hain Bhala Kis Shumaar Mein Sadiyan Guzar Dunga Tere Intezar Mein 6 Ahl-e-Aza Ko Jurat-o-Tadbeer Chahiye Dekha Hai Khwab, Khwab Ki Tabeer Chahiye Taskeen-e-Qalb-e-Madar-e-Shabbir Chahiye Ab Jannat-ul-Baqi Ki Tameer Chahiye Aa Jaegi Bahar Is Ujde Dayaar Mein Sadiyan Guzar Dunga Tere Intezar Mein 7 Alfaaz Se Dilon Pe Hukumat Mili Mujhe Mazlumi-e-Husain Se Taqat Mili Mujhe Mimbar Mila Husain Ka, Izzat Mili Mujhe Badle Mein Ek Ashk Ke Jannat Mili Mujhe Ghaata Kabhi Hua Nahin Is Karobaar Mein Sadiyan Guzar Dunga Tere Intezar Mein 8 Dar Par Tumhare Hote Hain Har Roz Mojize Kitne Ameer Ho Gaye Is Dar Ki Bheek Se Sab Apne Apne Hisse Ki Khairat Le Gaye Zikr-e-Imam-e-Asr Mein Hissa Qamar Mile Main Mutmain Hoon, Main Bhi Khara Hoon Qataar Mein Sadiyan Guzar Dunga Tere Intezar Mein